Majk padyshim që është një nga reperët më të klikuar. Refrenet e tij dhe theksi shumë i veçantë e bën reperin të jetë vërtet unik. Jeta personale e reperit shpesh ka qenë ‘kryefjalë’ e mediave dhe kjo për arsye se artisti fotografohet jo pak herë nga paparacët në shoqërinë e vajzave (të njohura për publikun ose jo).
Ka kaluar vetëm një muaj që kur Majk ka publikuar këngën e tij të re, një bashkëpunim i dytë muzikor me Bardhin, i cili titullohet “Përgjithmonë” e deri tani ka arritur 8.6 milionë klikime. Në vetëm kaq pak kohë Majk do të sjellë një tjetër këngë të re dhe më shpejt se sa mund ta mendoni.
Pak më parë, reperi ka postuar në Instagram një pjesë nga kënga, e cila titullohet “E pa shpirt” dhe ka lajmëruar se do të lancohet ditën e nesërme në orën 18:00. Nuk e dimë nëse kënga i dedikohet dikujt, ama mbetet vetëm të dëgjojmë këngën e plotë për të zbuluar më shumë.
https://www.instagram.com/p/CmZbn3dAVm-/
