Prej datës 1 nëntor në vendin tonë ka nisur vaksinimi me dozën e tretë të vaksinës anticovid. Me anë të një postimi në llogarinë e saj në “Facebook”, Ministrja e Shëndetësisë dhe Mbrojtjes Sociale, Ogerta Manastirliu ka bërë me dije se janë më shumë se 18 mijë qytetarë që kanë marrë dozën e tretë të vaksinës anticovid.
“Më shumë se 18 mijë qytetarë e kanë marrë dozën e tretë të vaksinës në këto ditë të para të nëntorit, si një garanci më shumë për të qenë të mbrojtur e për ta përballuar më mirë dimrin që është në prag”, shkruan Manastirliu.
Prej datës 1 nëntor ka filluar vaksinimi me dozën e tretë të vaksinës për personelin shëndetësor, për qytetarët +60 vjeç me sëmundje kronike si dhe për personat +18 vjeç me frenim të imunitetit. Deri sot janë kryer 18,432 doza të treta vaksine anticovid. Prej fillimit të vaksinimit janë kryer në total 1,971,973 doza të vaksinës ndaj COVID-19, bëhet e ditur nga Ministria e Shendetesisë.
Postimi i ministres Manastirliu:
Më shumë se qytetarë e kanë marrë dozën e tretë të vaksinës në këto ditë të para të nëntorit, si një garanci më shumë për të qenë të mbrojtur e për ta përballuar më mirë dimrin që është në prag.
Kontakto mjekun e familjes.
#VAKSINOHU
#JetaJoteVLEN
/Priza.al/
