Mediat kanë bërë publike sot edhe dosjet e disa prej protagonistëve të saj që do të konsiderohet si “masakra e Elbasanit”. Emiljan Prenga, një nga katër personat që mbetën të plagosur në masakrën e Elbasanit që tronditi vendin mesditën e sotme, ka qenë gjithashtu një efektiv policie.
Prenga rezulton të jetë vënë në pranga në muajin nëntor të vitit 2016, pasi i ka bërë presion një personi me inicialet K.P., për t’i dhënë 11 mijë euro.
Ky kërcënim erdhi pas prishjes së pazareve të drogës mes Prengës dhe personit tjetër, me inicialet K.P.. Konkretisht ky i fundit kishte porositur 50 kg kanabis në Krujë me vlerë 550 euro, për një kilogram për një mikun e tij në Durrës.
Në momentin që droga nuk shkoi në Itali, në destinacionin që duhej të shkonte, Prenga nisi kërcënimet drejt personit me inicialet K.P..
Pjesë nga Dosja e Prokurorisë në vitin 2016
“Në datë 01.11.2016, shtetasi K.P. banues ne Tirane, ka kallëzuar se: Rreth një vit me pare, ky shtetas ishte njohur me punonjësin e policisë me detyre agjent i Sektorit Operacional në DVP Tiranë, të quajturin Emiljan Prenga. Në bisedat me Emiljanin, kallëzuesi i ka treguar këtij të fundit edhe të shkuarën e tij në Itali, ku ka qenë në burg për vjedhje dhe histori të tjera të këtij lloji.
K.P. ka kallëzuar se kishte planifikuar që në muajin gusht 2016, të shkonte në Itali për disa punë të tijat dhe këtë fakt ia ka bërë të ditur gjatë bisedave edhe Emiljan Prengës.
Sipas kallëzuesit, pasi ka mësuar këtë fakt Emiljani i kishte propozuar që të gjente persona të interesuar për blerjen e lëndës narkotike “cannabis sattiva”. Lidhur me transportin duhet të merreshin vetë të interesuarit. Ne muajin gusht 2016, kallezuesi ka shkuar ne Rome ne Itali dhe aty eshte takuar edhe me njohurin e tij, te quajturin A.N. i cili i ka thene nese njihte ndonje person ne Shqiperi qe t`i siguronte deri 50 kg hashash, te cilen t`ia dergonte nje shokut te tij ne Durres.
Ai e blinte ne Itali, por nuk kishte leke ne dore ne Shqiperi per t’a paguar dhe pagesen e mallit e bente pasi ta shiste hashashin në Itali. Këtë propozim kallezuesi ia ka treguar Emiljanit ne numrin e tij te telefonit xxxxx442 nga nje numër italin, te cilin nuk e kujton. Sipas kallëzuesit, Emiljani ka rene dakort qe te conte ne Durres tek personi qe ishte shoku i A.N. dhe per kete, po ne telefon, Emiljanos i ka derguar numrin e personit ne Durres me te cilin Emiljano duhet te komunikonte vete. Ne Itali, kallezuesi ka qendruar rreth dy muaj pasi autoritetet e policise italiane e kishin kthyer ne Shqiperi nepermjet Rinasit. Gjate kohes qe ai ka qene ne Itali, ai tregon se ka mesuar nepermjet bisedave qe ka bere me Emiljanon se ai kishte cuar tek personi ne Durres ne fillim 30 kg hashash, te cilin e kishte marre ne Kruje. Por personi kishte mbajtur vetem 20 kg, sepse 10 kg nuk kishin qen cilësi e mire.
Çmimi me te cilin Emiljano e kishte siguruar hashashin kishte qene 550 euro/kg sepse ishte dora e pare e hashashit te Krujes. Kete 20 kg hashash personi ne Durres ia kishte dhene nje shoferi qe ta conte ne Bari te Italise, por ky i fundit nuk e kishte nisur mallin per Itali, duke i genjyer disa here. Per kete shkak, Emiljano kishte shkuar dhe e kishte rrahur shoferin dhe kishte marre mbrapsh edhe 20 kg e hashashit, te cilat ashtu sic i kishte ambalazhuar ne nje kuti te mbyllur i kishte cuar ne shtepine e kallezuesit, ku jetonte bashkejtuesja e tij, shtetesja A. A. Kjo e fundit ka marre ne telefon kallezuesin, duke i shpjeguar se Emiljano kishte sjelle ne shtepi nje kuti qe binte ere te keqe dhe pas dy ditesh me kerkesen e kallezuesit, Emiljano ka shkuar e ka marre prape kutine e hashashit nga shtepija e kallezuesit. Kallezuesi eshte kthyer ne Shqiperi nga policia italiane dhe kur eshte takuar me Emiljanon, ky i fundit i ka thene qe te merrte 20 kg e hashashit qe ai kishte blere dhe Emiljanos t`i jepte njembedhjete mije euro aq sa ai e kishte blere. Kallezuesi i eshte pergjigjur se nuk kishte pune me kete problem, por Emiljano sipas tij e ka kercenuar duke i dhene afat nje muaj per ta shitur 20 kg e hashashit. Per kete Emiljano e kishte marre dy ose tre here ne dite ne telefon kallezuesin per t`u interesuar se cfare po bente dhe eshte takuar pothuajse cdo dite, duke e mbajtur nen presion per te gjetur 11 mije eurot qe kerkonte Emiljano, duke i thene se 20 kg e hashashit i kishte tek Emiljano t`i merrte e t’i shiste e t’i jepte leket Emiljanos”.
Sot Prenga ishte në Elbasan në momentin që ndodhi ngjarja e rëndë, ku mbeti i vdekur Pjerin Xhuvani, dhe shkaku kryesor dyshohet se është shitblerja e votës.
Pjerin Xhuvani, një emër i njohur në Elbasan, me një organizim të hershëm politik në LSI, e së fundmi në PS-në, u vra në rrethana të panjohura, ndërsa autori mendohet se është një nga anëtarët e shtabit të PD, Arbër Papleka, ish-oficer i “RENEA”-s.
Ai është arrestuar tashmë nga policia dhe ka thënë se, e gjitha ka qenë për vetëmbrojtje. Të plagosur mbetën katër persona të tjerë, Emiljan Prenga, Eltjon Bodinaku, Pavlo Vuksani dhe efektivja Xhensila Sota.
/Priza.al/
