Kancelari i Gjermanisë, Olaf Scholz në një konferencë për mediat ka përmendur edhe kryeministrin e Kosovës, Albin Kurti pas takimit që patën në Berlin. Scholz u shpreh se kanë diskutuar për shumë tema, ku dhe ka paralajmëruar për një vizitë në Prishtinë, raporton Gazeta Express.
Scholz u shpreh i lumtur me bashkëpunimin e qeverive të të dy vendeve, që tha se “do ta forcojë pavarësinë energjetike dhe do ta përmirësojë cilësinë e ajrit”.
Kancelari gjerman përmendi liberalizimin e vizave për Kosovën si çështje shumë e rëndësishme për të cilën ai tha se angazhohet vazhdimisht.
“Përparimi i mëtejshëm duhet të bëhet tani edhe në liberalizimin e vizave për Kosovën. Qeveria federale e ka fiksuar këtë si objektiv në marrëveshjen e koalicionit. Për këtë unë angazhohem me këmbëngulje në Bashkimin Europian, në biseda me partnerët; angazhohem me këmbëngulje”, tha ai.
Scholz përmendi edhe bashkëpunimin rajonal duke thënë se “me Procesin e Berlinit, Gjermania ka vite që angazhohet në këtë rajon”.
Ai përmendi katër marrëveshje të rëndësishme që tha se do të nënshkruhen këtë vit në kuadër të Procesit të Berlinit.
Shumë e rëndësishme është edhe bashkëpunimi rajonal. Me Procesin e Berlinit, Gjermania ka vite që angazhohet në këtë rajon. Projekti më i rëndësishëm krijimi i një tregu të përbashkët rajonal. 4 marrëveshje të rëndësishme. Për lëvizjen e lirë të personave dhe njohjen e diplomave profesionale. Siç e shihni, patëm shumë tema, dhe gëzohem që ato do t’i vazhdojmë n/ një vizitë në Prishtinë./ Express
