Rreth tetë muaj më parë, Jennifer Young u tërhoq dhe u kontrollua në Cancún pas fluturimit të saj nga Amsterdami (Holandë).
Në bagazhin e saj kishte rreth 13 kilogramë lëndë narkotike. I futur në thasë dhe i fshehur në shishe me fund të dyfishtë, Young mbante ketaminë me vlerë rreth 300,000 dollarë.
Kjo pasoi arrestimin.
Një postim në Twitter nga policia meksikane në atë kohë thoshte:
“Pas mbërritjes në Aeroportin Ndërkombëtar të Kankunit, Garda Kombëtare dhe personeli i aeroportit gjetën disa pako me atë që dukej të ishte kokainë të fshehura në një ndarje sekrete të një çante që i përkiste një gruaje të huaj”.
“Konsullata britanike e vizitoi të mërkurën e kaluar. Ajo është mirë, tani ajo ka një qeli për vete.Është shumë më mirë se më parë”, tha Angela Young për gazetën britanike Daily Mail.
Para transferimit të saj në një burg të qytetit të Meksikos në shkurt, 33-vjeçarja mbahej në një burg të mbipopulluar në Kankun.
Me sa duket nga turpi për situatën e saj, ajo ka gënjyer nënën e saj gjatë telefonatave të shkurtra dhe nuk ka thënë asgjë për arrestimin.
“Kam marrë një mesazh nga një prej shoqeve të saj. E pyeta se ku ishte. Pas mesazheve të shumta vajtje-ardhje, më në fund më tha se ishte në burg. Nuk mund ta besoja”, kujton Angela Young.
E lindur në Berlin nga një nënë britanike dhe baba gjerman, Young u rrit në Derby, Angli.
Në moshën 17-vjeçare mori pjesë në konkursin “Miss Anglia” si përfaqësuese e qytetit të saj.
Gjatë burgimit, Young mori vizita nga konsulli britanik në Meksikë.
Ajo do të takohet me avokatin e saj në fund të kësaj jave.
Përveç kësaj, të afërmit sillnin ushqime dhe gjëra të tjera.
