Dy ditë pas vdekjes së nënës së tij, Elizabeth II, ditën e sotme Charles III u shpall zyrtarisht sovrani i ri i Mbretërisë së Bashkuar nga Këshilli i Aderimit. Princi William dhe Mbretëresha bashkëshkorte Camilla nënshkruajnë deklaratën teksa Këshilli i Aderimit ka shpallur Charles Mbret. Me zhvillimin e Këshillit të Aderimit, Princi i Uellsit ishte i pari që nënshkroi shpalljen, i ndjekur nga Queen Consort, Camilla. Këshilli, i cili po transmetohet në televizion për herë të parë në histori, shpalli zyrtarisht Charles III Mbret.
Ceremonia u hap me njoftimin e vdekjes së Mbretëreshës Elizabeth II. Zoti President i Këshillit Penny Mordaunt tha: “Zotërinjtë e mi, është detyra ime t’ju informoj se Madhëria e saj Më e Mëshirshme, Mbretëresha Elizabeth II, ka vdekur të enjten më 8 shtator 2022, në kështjellën “Balmoral”.
Mbreti Charles III u shpall më pas zyrtarisht si sovrani i ri i kombit. Kjo procedurë është konfirmimi zyrtar i Mbretit të ri, i cili do të mbërrijë më vonë në ceremoni. Sipas traditës, Mbreti i ri mungonte në nisje të ceremonisë.
Këshilli i Aderimit kalon në dhomën e fronit
Penny Mordaunt ka lexuar tetë urdhrat e këshillit që fillojnë ceremoninë formale, duke përfshirë drejtimin e gjuajtjes së armëve në Hyde Park sapo Mbreti Charles III, shfaqet në ceremoni. Pjesa e parë e Këshillit të Aderimit tani ka përfunduar, me të pranishmit që kanë dalë nga dhoma në Pallatin e St James, duke lëvizur në dhomën e fronit.
Pjesa e dytë e ceremonisë (BETIMI)
Në pjesën e dytë të ceremonisë, mbreti Charles u shpreh se në kryerjen e detyrës së vështirë që i është ngarkuar, së cilës do t’i kushtojë gjithë pjesën tjetër të jetës, kërkon udhëzimin dhe ndihmën e Zotit.
“Është detyra ime t’ju njoftoj për vdekjen e nënës sime të dashur Mbretëreshës. Unë e di sa thellë ju dhe i gjithë kombi e ndjeni dhimbjen dhe mendoj se mund të them se e gjithë bota bashkohet me mua në humbjen e pariparueshme që kemi pësuar të gjithë. Për sa i përket kësaj mbretërie dhe familjes më të gjerë të kombeve, pjesë e së cilës jemi, nëna ime dha një shembull dashurie të përjetshme dhe shërbim vetëmohues.
Mbretërimi i nënës sime ishte i pashoq në kohëzgjatjen dhe përkushtimin e saj. Edhe kur jemi kaq të pikëlluar, ne i jemi falenderues përjetë. Jam thellësisht i vetëdijshëm për këtë trashëgimi të madhe, për detyrat dhe përgjegjësitë e sovranitetit që më kanë kaluar tani. Në marrjen e këtyre përgjegjësive, unë do të përpiqem të ndjek shembullin frymëzues që më është dhënë në mbështetjen e qeverisjes kushtetuese dhe të kërkoj paqen, harmoninë dhe prosperitetin e popujve të këtyre ishujve, si dhe të sferave dhe territoreve të përbashkëta në mbarë botën. Për këtë qëllim, unë e di se do të jem i mbështetur nga dashuria dhe besnikëria e popujve, sovran i të cilëve jam thirrur të jem.
Në gjithë këtë jam thellësisht i inkurajuar nga mbështetja e vazhdueshme e gruas sime të dashur. Shfrytëzoj rastin të konfirmoj vullnetin dhe synimin tim për të vazhduar traditën e dorëzimit të të ardhurave trashëgimore, duke përfshirë pasurinë e kurorës qeverisë për të mirën e të gjithëve në këmbim të grantit sovran që mbështet detyrat e mia zyrtare si kreu i shtetit dhe kreu i shtetit. Në kryerjen e detyrës së rëndë që më është ngarkuar, së cilës i kushtoj atë që më ka mbetur nga jeta ime. Unë lutem për udhëzimin dhe ndihmën e Zotit të Madhërishëm”,- tha ai.
Pas betimit të mbretit të ri, ushtarët kryhen ceremoninë e përshëndetjeve me armë për monarkun e ri. Pas përshëndetjes me armë, u zhvilluar një ceremoni e shkurtër me instrumente muzikorë në nder të Charles III.
Një nga vendimet e mbretit të ri, ka qenë shpallja e ditës së funeralit të mbretëreshës Elizabeth II, ditë pushimi kombëtar. Data kur monarkja do të përcillet për në banesën e fundit, nuk është caktuar ende.
