Një 38-vjeçar ka rënë në prangat e Policisë ditën e sotme në Lezhë, pasi iu gjetën 2 mina me telekomandë. Në pranga ka rënë Besnik Osmani, banues në Sukth, Durrës, ndërsa arrestimi i tij ka ardhur pas 3 javë hetimesh, me finalizimin e operacionit të koduar “Miloti”.
Me një njoftim për mediat, Policia bën me dije se në çantën e 38-vjeçarit u gjetën 2 mina me telekomandë të lidhura me aparat celular, një thikë, 1000 euro dhe aparate celularë.
Ndërkohë po vijojnë veprimet hetimore për identifikimin dhe kapjen e personave të tjerë të përfshirë në këtë veprimtari kriminale.
Materialet i kaluan Prokurorisë së Rrethit Gjyqësor Kurbin, për veprën penale ‘Mbajtja pa leje dhe prodhimi i armëve, armëve shpërthyese dhe municionit'”, njofton Policia.
Njoftimi nga policia:
Policia e Lezhës godet një tjetër rast të veprimtarisë kriminale të prodhimit dhe shitjes së minave me telekomandë.
Në kuadër të hetimit, në Fushë-Milot, u organizua dhe finalizua operacioni i koduar “Miloti”, si rezultat i të cilit u bë e mundur kapja dhe arrestimi në flagrancë i shtetasit Besnik Osmanaj, 38 vjeç, banues në Sukth, Durrës.
Gjatë kontrollit të ushtruar nga Policia, në çantën e Osmanaj janë gjetur dhe sekuestruar në cilësinë e provës materiale 2 mina me telekomandë të lidhura me aparat celular, një thikë që plotëson kushtet e armës së ftohtë, 1000 euro dhe aparate celularë.
Strukturat hetimore të DVP Lezhë, nën drejtimin e Prokurorisë së Rrethit Gjyqësor Kurbin, po vijojnë veprimet hetimore për identifikimin dhe kapjen e personave të tjerë të përfshirë në këtë veprimtari kriminale.
Materialet i kaluan Prokurorisë së Rrethit Gjyqësor Kurbin, për veprën penale “Mbajtja pa leje dhe prodhimi i armëve, armëve shpërthyese dhe municionit”.
/Priza.al/
