Duhet rreth një muaj deri në përfundim të merkatos, por mqs pjesa më e madhe e kampionateve fillojnë shumë shpejt, është koha për të bërë disa bilance në lidhje me merkaton. Duke iu referuar të dhënave të bëra publike nga faqja e personalizuar ‘Transfermarkt’, shihet se ekipe si Roma apo Man.City janë dy nga skuadra me bilance pozitive deri në këtë pikë të merkatos, pavarësisht se kanë afruar lojtarë si Dybala dhe Haaland.
Plus 22,35 milionë euro është fatura e Romës deri më tani ndërsa Man.City është plus 51,15 milionë euro, diçka që nuk ndodh shpesh kur bëhet fjalë për “qytetarët”. Ekipi me bilancin më të mirë është Sevilla me plus 75,5 milionë euro.
Kur bëhet për ekipet që kanë shpenzuar më shumë, këtë renditje e kryeson Barcelona me minus 130 milionë euro, e ndjekur nga Arsenal me minus 114,26 milionë euro.
Në këtë listë nuk mund të mungonin Chelsea me minus 113 milionë euro dhe PSG me minus 100 milionë euro.
