Qeveria shqiptare ka ofruar mbi 115 mijë shërbime konsullore online për shtetasit jashtë vendit.
Me anë të një postimi në rrjete sociale, Ministrja për Evropën dhe Punët e Jashtme Olta Xhaçka ka bërë publike shifrat.
“Nga 1 Janar 2022 MEPJ ka ofruar 115.873 shërbime konsullore online për shtetasit që jetojnë dhe punojnë jashtë vendit.
Gjithashtu është realizuar me sukses:
Projekti ishujt në Greqi (me 1182 shërbime të ofruara për ishujt Rodos dhe Kretë dhe rrethinat e tyre);
Projekti i aplikimit në kushte shtëpie dhe spitali për Milanon, Barin, Nju Jork dhe Selanik;
Ditët konsullore në Irlandë ofruar nga Ambasada jonë në Londër;
Janar- Shtator 2022 pranë MEPJ janë proceduar 479.532 dokumente me vule apostile dhe legalizim”, shkruan Xhaçka.
