Lidhja e tyre pas përfundimit të “Love Story-t” ka vijuar online dhe pas Saimit, këtë gjë e ka konfirmuar edhe Meri që gjithçka po shkon për mrekulli. Në një intervistë për “Bordo”, Meri nuk ka dashur që të bëjë plane afatgjatë, sa i përket pushimeve të verës apo martesës, por shprehet se deri më tani ka funksionuar si raport dhe u ka kthyer një përgjigje të gjithëve duke qenë se shumë kanë menduar që ato tashmë janë ndarë.
Si po shkon marrëdhënia me Saimirin?
Marrëdhënia me Saimirin deri tani po shkon shumë mirë, jemi në fazën e parë të njohjes së vërtetë përtej kamerave dhe po përpiqemi t’i kushtojmë kohë njëri tjetrin duke shkëmbyer mesazhe gjatë gjithë kohës dhe duke folur me kamera. Dua të permend edhe që një pjesë e publikut interesohen shumë për marrëdhënien tonë dhe mendojnë se ne nuk jemi bashkë, por thjesht kemi nevojë për pak privatësi.
Në intervistën e tij për Bordo, Saimiri u shpreh se së fundmi ka njohur një anë tjetër tënden; atë të nevrikes. Po ti çfarë ke zbuluar në karakterin e tij që nuk e kishe parë gjatë spektaklit?
(Qesh) Më pëlqen kur më thotë nevrike, sepse është ai vetë që më ngacmon, por vetëm nerva nuk i shprehim dot njëri-tjetrit, jemi të dy njësoj, duam paqe. Unë i njoh njerëzit duke parë edhe detajet më të vogla tek ai person dhe Saimiri është një djalë i respektueshëm, i ndjeshëm, familjar, ka shumë humor dhe këto bëjnë që unë tërhiqem shum prej tij. Diçka e re në karakterin e tij është se nuk është aq romantik sa dukej gjatë kohës në program (Qesh)
