Një mjet është përfshirë nga flakët teksa po qarkullonte në aksin mes Urës së Goricës dhe Urës së Varur në qytetin e Beratit.
Mjeti tip Volswagen Polo, me targa AA 031 FO, mësohet se është përfshirë papritur nga zjarri, duke shkaktuar edhe panik në qendër të qytetit.
Forca të shumta zjarrfikësish kanë mbërritur në vendngjarje dhe falë ndërhyrjes së shpejtë të tyre është bërë e mundur nxjerrja pa lëndime nga mjeti e drejtuesit të tij. Ky i fundit ishte i vetëm në makinë në momentin e ngjarjes.
Paraprakisht dyshohet se zjarri ka ardhur si pasojë e një defekti elektrik.
