Sulmuesi brazilian Neymar dhe 8 persona të tjerë dolën së fundmi në gjyq në Barcelonë të akuzuar si mashtrim dhe korrupsion lidhur me transferimin e futbollistit nga Santos te Barcelona në vitin 2013. 30-vjeçari dhe babai i tij mbërritën në Spanjë ndërsa prokurorët spanjollë kërkuan një dënim me dy vjet burg dhe një gjobë prej 10 milionë euro për Neymar.
Ndërkaq, mësohet se Prokuroria Publike e Barcelonës ka tërhequr të gjitha akuzat ndaj sulmuesit brazilian në gjyqin e hapur në mes të tetorit për parregullsitë e supozuara të kryera në transferimin e tij nga Santos te Barcelona në vitin 2013. Prokuroria tërhoqi edhe akuzat ndaj të pandehurve të tjerë. Më parë, prokuroria kërkoi dy vjet burg dhe 10 milionë euro gjobë për Neymar, por gjykata e rrëzoi edhe këtë kërkesë.
Rikujtojmë, se çështja u përqëndrua në pretendimin e bërë nga firma braziliane e investimeve “DIS”, e cila zotëronte 40% të të drejtave të Neymar kur ai ishte në Santos, se ajo humbi shkurtimin e drejtë nga transferimi i lojtarit për shkak se vlera e marrëveshjes ishte nënvlerësuar. Avokati i “DIS” tha se:
Neymar, me mirëkuptimin e prindërve të tij dhe të bordeve të drejtorëve të Barcelonës dhe Santos, tradhtoi besimin e klientëve të mi. Kostoja reale e transaksionit mes Santos dhe Barcelonës ishte 82 milionë euro dhe vetëm 17 milionë euro u shfaqën si transferim zyrtar.
