Në një konferencë për shtyp sot, Ilir Meta, kreu i Partisë së Lirisë, refuzoi të komentonte zgjedhjen e Vangjel Tavos si kryetar i ri i Bashkisë së Himarës. Tavo, i njohur për rolin e tij si ish-deputet dhe ish-ministër i LSI-së, mori mandatin pas zgjedhjeve të 4 gushtit, ndërkohë që Meta vendosi të mos japë asnjë deklaratë për këtë çështje.
“Nuk kam asnjë mesazh për të,” tha Meta, por shtoi se kjo nuk e ndalon të adresojë një mesazh të qartë për kryeministrin Rama.
“Por për grabitësin e bashkisë së Himarës, për Ramën e kam një mesazh që të gjitha këmbimet dhe shkëmbimet që bënë për të fshehur aktet e rënda të tradhtisë kombëtare e për të bërë konsensus për grabitjen e pronave në jug, Dhërmi e Vuno nuk do të funksionojë” deklaroi Meta.
