Presidenti Ilir Meta ka zhvilluar sot një takim me gazetaren, publicisten dhe historianen Alba Kepi.
Përmes një mesazhi në ‘Facebook’, Meta thekson se historiania Kepi i ka dhuruar studimin e saj etnografik “Dasma tiranase”, që siç shton Presidenti, është një vepër e arrirë, që ja vlen të lexohet.
“Një takim miqësor me gazetaren, publicisten dhe historianen, Alba Kepi. Më dhuroi studimin e saj etnografik “Dasma tiranase”, një vepër e arrirë, që ja vlen të lexohet. Përpjekjet e tiranasve autoktonë për ruajtjen dhe promovimin e trashëgimisë së pasur kulturore të kësaj treve meritojnë të mbështeten, veçanërisht kur “virusi” i babëzisë ka shkatërruar dhe po vë në rrezik shumë vlera të rralla materiale dhe shpirtërore të Tiranës.”
Kush është Alba Kepi?
Gazetare, publiciste dhe historiane shqiptare e cila aktualisht jeton në Itali.
E lindur ne një familje autoktone të Tiranës ku ka jetuar deri me vitin 1999. Më tej u largua drejt Romës për t’ju bashkuar bashkëshortit i cili është profesor i gjuhës italiane e ne atë kohe ishte thirrur të punonte pranë një organizate humanitare si përkthyes ne kampet me refugjate kosovare te ngritura ne Siçili te Italisë. Keoi i përket një familjeje të borgjezisë së hershme të Tiranës se fillim viteve ‘900 ku pas ardhjes së regjimit komunist iu konfiskua gjithçka, prona, shtëpi, pasuri, deri ne veshjet e trupit.
Gjyshi saj u burgos për mbi 12 vite ne burgjet e komunizmit; stërgjyshi u pushkatua ne prag te derës nga komunistët në vjeshtën e vitit 1944 gjatë ditëve të terrorit komunist në Tiranë; një nga dajat, ish Drejtor i gjimnazit te Gjakovës u pushkatua po nga komunistët në Kosovë më 1946 ne Masakrën e Pejës apo siç njihet ndryshe ne Kullën e Sherametit.
Kanë qenë pokërisht këto ngjarje që i kanë mësuar asaj të shtrëngoi fort të vërteten. E diplomuar ne Universitetin e Tiranës në Fakultetin e Filologjisë, për 4 vite para se të largohej nga Tirana ka punuar në Drejtorinë e Muzeve të Tiranës me pozicionin Lektore. Në Itali u specializua në degën ‘Gazetari Reporter’ e më pas në menaxhim të organizatave joqeveritare.
Rrugëtimi i gazetarisë i Alba Kepi ka pasur zanafillën pikërisht në momentin kur filloi punën ne Drejtorinë e Muzeve te Tiranës. Aty ajo u thellua ne arkivistikën e materialeve historike, ku për herë të parë ra në kontakt me fotografi të retushuara dhe dokumente të falsifikuara komunistët. U njoh me personalitete e figura patriotike kombëtare jeta e të cilëve ishte shuar apo shkatërruar nga ky regjim. Kështu nisi të publikoi artikujt e saj të parë mbi figura patriotike të Tiranës , fillimisht ne gazetën e sapo hapur «Dajti». Pra fillesat e lidhjes së saj me gazetarinë ishte hulumtimi e dhënia e së vërtetës që meritonin familjet patriotike të Tiranës.
/Priza.al/
