Ministri i Jashtëm grek Nikos Dendias e ka filluar vizitën e tij zyrtare në Shqipëri duke takuar të parin kreun e Omonias Fredi Beleri, me të cilin thekson se ka disutuar në lidhje me çështjet e minoritetit në Shqipëri.
Në një postim në Twitter, Dendias ka ndarë foto nga takimi, ndërsa shprehet se me Belerin kanë diskutuar sa i takon problematikave të minoritetit grek në Shqipëri.
“Në nisjen e vizitës time në Tiranë, u takova me Presidentin e degës së Omonias në Himarë, Fredi Beleri, i cili më informoi mbi çështjet dhe problematikat e minoritetit grek në Shqipëri”, shkruan ai.
Kujtojmë se Dendias do të zhvillojë më pas takim me kryepeshkopin Anastas Janullatos, kryeministrin Edi Rama dhe homologen e tij, Olta Xhaçka.
Sakaq, në orën 12:00, Dendias dhe Xhaçka do të dalin në një konferencë për mediat.
Starting my visit to #Tirana, I met with President of Omonoia’s branch in Himara, Fredi-Beleri, who briefed me on issues of the ?? National Minority in #Albania. pic.twitter.com/qnmC8IEtFR
— Nikos Dendias (@NikosDendias) May 23, 2022
