Policia në lidhje me atentatin ku mbetën të vrarë 4 viktima në Shkodër, ka ushtruar kontrolle në dy klinika mjekësore private. Janë ushtruar kontrolle pasi dyshohet se në këto klinika është paraqitur personi i tretë i dyshuar, i cili pasi ka marrë mjekimin është larguar.
Policia ka sekuestruar pamjet e kamerave të sigurisë për të provuar nëse personi i plagosur është paraqitur në këto klinika për mjekim.
Gjithashtu policia ka dërguar në ekzaminim në laborator prova të marra nga vendngjarja, si fije floku, jurmë gishti, profile biologjike, profile djerse dhe gjaku për të zbuluar gjurmë të ADN-ve të secilit person që ndodhej në makinë, me qëllim identifikim shkencërisht të personit të tretë në makinë.
