Kryeministri i Greqisë, Kyriakos Mitsotakis vazhdon që të bëjë politikë me fqinjët. Një gjë e tillë ka ndodhur në mitingun përmbyllës para zgjedhjeve për PE-në. Gjatë fjalimit në Athinë ka kërcënuar Shqipërinë dhe Maqedoninë.
“Pas të dielës qeveria greke nuk duhet të konsumohet në diskutime për përqindjet elektorale, por duhet të jetë në gjendje të vazhdojë politikën e një Greqie të fortë, duke i dërguar mesazhin fqinjëve tanë veriorë, se rruga e Shkupit dhe e Tiranës për në Bruksel domosdoshmërisht kalon nga Athina.
Dhe se vetëm respektimi i ligjshmërisë dhe traktateve ndërkombëtare mund të japë dritën jeshile”, tha Kyriakos Mitsotakis, sipas mediave greke. Në këto zgjedhje në garë për eurodeputet është edhe Fredi Beleri, që ndodhet në burg.
