Presidenti Ilir Meta i ka uruar 77-vjetorin e lindjes profesorit Rexhep Meidani. Me anë të një shkrimi në rrjete sociale, Meta i uron shëndet dhe jetë të gjatë ish-presidentit shqiptar.
Ndër të tjera ai thotë, se ka qenë model frymëzues i shtetarit dhe politikanit të përgjegjshëm, mbrojtës i interesit kombëtar dhe ka kontribuar për demokratizimin e vendit.
Postimi i Ilir Metës:
Urimet më të ngrohta dhe përzemërta në 77-vjetorin e lindjes për Prof. Dr. Rexhep Meidanin: Gëzuar, me jetë të gjatë, shëndet të mirë dhe energji të pashtershme!
Model frymëzues i shtetarit dhe i politikanit të përgjegjshëm dhe atdhetar, mbrojtës i interesit kombëtar dhe respektimit të institucioneve, personalitet i jashtëzakonshëm i shkencës dhe shembull i shkëlqyer i moralit, vlerave dhe dinjitetit njerëzor, kontributet Tuaja pozitive dhe të gjithanshme, veçanërisht për demokratizimin e Shqipërisë, do të mbeten përherë të vlerësuara!
/Priza.al/
