Olivia Wilde aktorja dhe regjisorja amerikane është përballur së fundmi me një të papritur.
Ajo e ka cilësuar si “mizore” momentin kur letrat e kujdestarisë në emër të ish-partnerit të saj, Jason Sudeikis i mbërritën në momentin ku ajo po fliste për filmin e saj më të ri.
Ajo po jepte detaje nga thrilleri “Don’t Worry Darling” në Las Vegas.
Kur i erdhi zarfi, ajo u pa e hutuar dhe mjaft e habitur.
“Në çdo vend tjetër pune, do të shihej si një sulm”, theksoi aktorja e njohur për prestigjiozen “Variety”.
“Ishte vërtet shqetësuese. Nuk duhej të ndodhte. Kishte një shkelje të madhe të sigurisë, gjë që është vërtet e frikshme. Duke marrë parasysh pengesat nëpër të cilat duhej të kalonit për të hyrë në atë
dhomë me disa distinktivë, plus teste speciale për Covid që duheshin bërë ditë më parë, dhe rripa dore që ishin të nevojshme për të pasur akses në ngjarje – kjo ishte diçka që ishte e paramenduar.”
Olivia Wilde dhe Jason Sudeikis kanë qenë së bashku prej vitesh por u ndanë në vitin 2020. Dyshja kanë dy fëmijë së bashku.
“E urreja që kjo gjë e keqe të hiqte vëmendjen nga puna e kaq shumë njerëzve të ndryshëm dhe studioja që unë isha atje lart duke përfaqësuar. Përpjekja për sabotim ishte vërtet e keqe. Por kisha një punë për të bërë; nuk shpërqendrohem lehtë. Por, ju e dini, për fat të keq, nuk ishte diçka që ishte krejtësisht befasuese për mua. Dua të them, ka një arsye që e lashë atë marrëdhënie.”- vijoi ajo më tej gjatë intervistës.
