Prokuroria raporton se është e hapur mundësia për të ngritur akuza kriminale për aksidentin fatal nga aktori Alec Baldwin në setin e xhirimit ku humbi jetën drejtoresha e fotografisë, Halyna Hutchins.
Dokumentet ligjore kanë zbuluar se Baldwin ka qenë duke bërë prova me armën të drejtuar nga vetja e më pas nga kamera në setin e filmit western “Rust”, kur ajo u shkrep papritur dhe la të vdekur drejtoreshën e fotografisë dhe plagosi regjisorin.
Në dëshminë e dhënë nga regjisori Souza dhe kameramani Reid Russell është deklaruar se aktorit i është dhënë një armë imituese, e cila është pretenduar të jetë bosh.
Një pjesëtar në sheshxhirim ka zbuluar një foto të fundit e cila është shkrepur ditën e aksidentit, ku shikohet Baldwin i veshur me kostumin e rolit në kishë dhe pranë tij Hutchins.
Prokuroria ka shtuar se janë gjetur një numër i madh fishekësh në set dhe kjo ka rritur hetimet për ngjarjen.
Prokurori i Santa Fe, Mary Carmack-Altwies ka thënë se arma e përdorur në incidentin tragjik ishte e ligjshme dhe e vërtetë, jo imituese.
Sipas burimeve të brendshme, arma është përdorur pak orë përpara aksidentit për qitje nga anëtarë të stafit, pa dijeni të regjisorit dhe asistent-regjisorit në sheshxhirime si një hobi që ata e ushtronin për të kaluar kohën.
Ajo ka qenë një nga tre armët që kishin përdorur dhe i është dorëzuar aktorit si “armë e ftohtë” një term që përdoret për të siguruar se arma nuk është e rrezikshme. E fundit që ka pasur kontakt me armën ka qenë Hannah Gutierrez-Reed, një punonjëse e re, sipas drejtorisë policore të Santa Fe.
E ndërkohë asistent-regjisori Hall ka qenë ai i cili i ka dorëzuar armën aktorit duke i siguruar se ishte e sigurtë. Shumë nga pjesëtarët e Rust kanë shprehur pakënaqësi dhe pasiguri për të dy punonjësit, dhe i bëjnë ata përgjegjës për aksidentin.
Përfaqësues nga skuadra e produksionit të filmit nuk kanë dashur të japin komente për DailyMail në lidhje me zhvillimet e fundit.
Gutierrez Reed kishte pak përvojë duke punuar si specialiste e armëve. Ajo u tha detektivëve se në mëngjesin e të shtënave, ajo kontrolloi plumbat e rremë – plumba që duken si të vërtetë, përveç një vrime të vogël në anën e kafazit që i identifikon ata si të pafuqishëm – për t’u siguruar që asnjë nuk ishte i vërtetë, sipas një deklarate që u bë publike të mërkurën.
Kur ekuipazhi u shpërnda për drekë, armët e përdorura për xhirimet u mbyllën në një kasafortë brenda një kamioni të madh të bardhë ku mbaheshin rekuizita, tha Gutierrez Reed. Municioni, megjithatë, u la i pasiguruar në një karrocë. Kishte municion shtesë brenda kamionit mbështetës.
Pas drekës, mjeshtrja e filmit, Sarah Zachry, i hoqi armët nga kasaforta dhe ia dorëzoi Gutierrez Reed-it, u tha kjo e fundit hetuesve.
Sipas një deklarate të urdhrit të kërkimit të lëshuar të premten e kaluar, Gutierrez Reed vendosi tre armë në një karrocë jashtë kishës dhe ndihmësdrejtori Dave Halls mori një nga karrocat dhe ia dorëzoi Baldwin. Dokumenti i publikuar të mërkurën thoshte seReed nganjëherë ia jepte armën Baldwinit dhe nganjëherë Halls.
Gutierrez Reed nuk pranoi të komentonte kur u kontaktua nga Associated Press të mërkurën. Ajo shkroi në një mesazh të hënën se po përpiqej të gjente një avokat.
Në deklaratën e tyre të fundit ata thanë se do të bashkëpunojnë me autoritet në investigimin që po kryhet. Një aktor tjetër ka deklaruar për TMZ në lidhje me pasigurinë që ndihej në sheshxhirime përpara ngjarjes.
Autoriteti i Sigurisë dhe Shëndetit të New Mexico ka deklaruar se do të ketë penalitete ligjore dhe të dënuar ndonëse nuk ka denoncime dhe të akuzuar zyrtarë për ngjarjen.
/Burimi: Daily Mail/ Përshtati: Priza.al/
