Ditën e sotme vendi ynë do të ndikohet nga kushte të qëndrueshme atmosferike për shkak të masave ajrore relativisht të nxehta me origjinë jugore. Mot i kthjellët dhe orë të plota me diell do të mbizotërojnë në pjesën më të madhe të territorit, megjithatë, në relievet malore në veri të vendit, kryesisht në Alpe, priten vranësira të pakta deri në mesatare dhe reshje të dobëta shiu.
Era do të fryjë nga drejtimi i perëndimit, me shpejtësi mesatare 2-8 m/sek, ndërsa përgjatë vijës bregdetare dhe në lugina, shpejtësia mund të arrijë deri në 8-10 m/sek.
Temperaturat priten të jenë:
Në zonat malore: nga 16°C deri në 37°C
Në zonat e ulta: nga 16°C deri në 39°C
Në zonat bregdetare: nga 19°C deri në 38°C
