Shefi ekzekutiv i Twitter, Tesla dhe SpaceX, Elon Musk deklaroi se nëse ish-presidenti amerikan, Donald Trump arrestohet, ai do të rizgjidhet President në zgjedhjet e ardhshme, madje me një shumicë të theksuar. Këto komente, Musk i bëri përmes një postimi në rrjetet sociale.
“Nëse kjo ndodh, Trump do të rizgjidhet me një fitore bindëse”, shkroi ai në Twitter.
Ish-presidenti Donald Trump tha sot se pret të arrestohet në lidhje me hetimin e Prokurorit të Qarkut të Manhattan javën e ardhshme dhe bëri thirrje për protesta.
Në një postim në rrjetet sociale të shtunën, Trump, duke iu referuar vetes, tha se “kandidati kryesor republikan dhe ish-presidenti i Shteteve të Bashkuara do të arrestohet të martën e javës së ardhshme”.
If this happens, it will be the beginning of Trump’s reelection. https://t.co/sQJsHsrib0
— Viva Frei (@thevivafrei) March 17, 2023
