Aktorja e “The Nutty Professor”, Stella Stevens ka ndërruar jetë në moshën 84-vjeçare.
Aktorja, e cila punoi së bashku me Elvis Presley dhe Jerry Lewis ndërroi jetë pas një beteje të gjatë me sëmundjen e alzheimerisë, konfirmoi djali i saj aktor-producent Andrew Stevens për Deadline.
Stella ka punuar së bashku me Elvisin në ‘Girls! Girls! Girls!’ dhe luajti vajzën e ëndrrave të Jerry Lewis-it në ‘The Nutty Professor’ të vitit 1063, të risjellë më vonë me Eddie Murphy.
Rolet e tjera të saj më të njohura përfshijnë atë si bashkëshortja e Ernest Borgnine në ‘The Poseidon Adventure’, e cila ishte ndër shfaqjet më të mëdha të filmit të viteve 1970.
E lindur më 1 tetor 1938, në Yazoo City, Mississippi, Stella pati gjithashtu një karrierë të gjatë televizive, duke u shfaqur në dhjetëra filma televizivë dhe në më shumë se 40 seriale.
Për dy sezone në fillim të viteve 1980, ajo luajti në televizionin kryesor ‘Flamingo Road’ dhe pati role në ‘Santa Barbara’ dhe ‘General Hospital’.
Aktorja la pas djalin Andrew dhe nipërit e saj Amelia, Aubrey dhe Samuel.
Partneri i saj kitarist rock prej gati 40 vitesh Bob Kulick, ndërroi jetë në vitin 2020 në moshën 70-vjeçare.
