Bashkim Tahiri, babai i ish-ministrit të Brendshëm, Saimir Tahiri, i cili ndodhet aktualisht në burg është ndarë nga jeta.
Lajmin e kanë dhënë familjarët e ish-ministrit në një postim në faqen e tij, ku kanë ndarë edhe mesazhin e Tahirit për të, nga burgu.
“O Ba si nuk më prite”, e nis letrën e tij ish-ministri, i cili ndër të tjera shton ”më bëre dhuratën më të madhe ndonjëherë, më bëre burrë”.
I ati i Tahirit vuante prej vitesh nga leuçemia dhe vitet e fundit sëmundja i ishte përkeqësuar.
Postimi i ish-ministrit Saimir Tahiri:
O Ba, si nuk më prite?
Me sa nxitim e more këtë rrugën e fundit dreqin.
Të ndritë shpirti atje lart!
Mua më bëre dhuratën më të madhe ndonjëherë, më bëre burrë.
Dhe rri i qetë andej, mos u mërzit më. Qesh e gëzohu siç bëje këtu me ne.
Sa here bëhesha gati po nuk ta thoja dot se më vinte zor, por ja po ta them tani që nuk më dëgjon më:
Të dua shumë Ba!
Të duam të gjithë shumë shoku Bashkim.
Përgjithmonë!
