Qindra tifozë italianë janë nisur drejt Tiranës dhe mijëra të tjerë kanë mbërritur këtë të mërkurë.
Ata janë duke ardhur kryesisht nga pikat kufitare të Durrësit dhe Rinasit, si dhe pamjet që po qarkullojnë në rrjet shihet se sa shumë të entuziazmuar janë ata para ndeshjes së mbrëmjes për finalen e Conference League. Corriere Dello Sport ka publikuar një video ku disa nga ultrasit e ekipit të Romës shihen duke festuar gjatë fluturimit me charter drejt Tiranës.
Atmosfera në kabinën e avionit është elektrizuese dhe nuk mungojnë koret mbështetëse për ekipin verdhëkuq.
