Në verën e vitit që sapo lamë pas, në mesin e korrikut 2024 themelohet kompania MASON INTER-Construction Group SH.P.K.
Kompania regjistrohet në emër të Ndoj Mhillit i datëlindjes 1988 dhe Artan Boçit i datëlindjes 1973. Kapitali themeltar i kompanisë ishte 10.000 lek të reja ose 100 mijë lek të vjetra.
Në këtë kompani Ndoj Mhilli është ortaku mazhoritar me 75% të aksioneve ndërsa Artan Boçi është administrator i shoqerisë dhe zotëron 25% të aksioneve. Si seli e kompanisë regjistrohet në adresën e banimit të Artan Boçit në Sauk të Tiranës.
Deri këtu është gjithshka korrekte. Dy persona madhorë, me zotësi ligjore dhe juridike për të vepruar, konform ligjeve të vendit themelojnë një kompani me objekt të gjërë veprimtarie, kryesisht në sektorin e ndërtimit.
Duke parë emrat, historia bëhet pak e çuditshme. Shtetasi Ndoj Mhilli rezulton punonjës i ministrisë së Brëndshme në pozicionin e specialistit. Ndërkohë shtetasi Artan Boçi njësoj si edhe ortaku i tij Ndoj Mhilli nuk rezulton me ndonjë historik bisnesi.
Kompania e themeluar 9 muaj më parë arriti që për kaq pak kohë të piketojë, projektojë, aplikojë dhe fitojë leje ndërtimi në dy zona të ndryshme të Tiranës. Në zonën e Astirit, pranë lanës, kompania do të ndërtojë një mega projekt për ndërtimin e një lagjeje të rë, me vlerë mbi 150 milionë euro.
Në fotot më poshtë janë detajet e projektit që nis këto ditë të ndërtohet me emrin “Riverpark Residence”. Ky projekt që nuk është aspak i ngjashëm më ndonjë tjetër më parë, me vlerë qindar milionë euro të ndërtohet nga kompania MASON INTER-Construction Group SH.P.K. e cila u themelua 9 muaj më parë me 10.000 lek kapital.
Por kompania Ndoj Mhilli dhe Artan Boçi nuk u ndalën. Paralelisht me megaprojektin Riverside Residence ideuan, projektuan, aplikuan dhe morën leje ndërtimi e zhvillimi në një zonë të lakmuar të Tiranës, afër Farmacisë 10 në Tiranë. Projekti IL BONCE që ngjan me krahët e fluturës, një formë kulle ekstravagante nis së shpejti ndërtimin. Edhe ky projekt kushton të paktën midis 150-180 milionë euro.
Zëf Mhilli dhe Artan Boçi themelojnë një kompani “masone” 9 muaj më parë me 100 euro kapital të deklaruar dhe menjëherë fillojnë ndërtimin e dy mega projekteve me vlerë rreth 500 milionë euro.
Kush janë Ndoj Mhilli dhe Artan Boçi?
Si arriti kjo kompani me këtë historik të fitojë leje zhvillimore për këto dy megaprojekte?
Cila është prejardhja e rreth 500 milionë eurove që do investohen në këto projekte?
-Vijon-
