Është vërtet mbresëlënës procesi në të cilin kalon truri i njeriut kur bie në dashuri. Fillojnë të sekretohen një mori hormonesh, duke shkaktuar mijëra ndjenja të këndshme dhe të pakëndshme.
Gjatë kësaj kohe, ju mendoni ndryshe, reagoni ndryshe, madje ëndërroni ndryshe. Sipas Dr. Holly Schiff, psikologe klinike, ky proces ndryshon midis trurit mashkullor dhe femëror, me disa nga ndryshimet kryesore që ndodhin tek meshkujt si më poshtë:
Burrat bien në dashuri më shpejt se femrat
“Burrat mund të mendojnë se duhet të përmbushin pritshmërinë për të marrë një rol udhëheqës në një marrëdhënie”, thotë psikologia klinike. “Kjo i shtyn ata të hyjnë më shpejt në marrëdhënie në mënyrë që të qetësohen. Nga ana tjetër, një grua mund të marrë më shumë kohë për të rënë në dashuri sepse ajo është e fokusuar në zgjedhjen e partnerit më të mirë të mundshëm riprodhues”, shton Schiff.
Burrat e dashuruar ndjejnë më pak dhimbje
“Dashuria është aq e fuqishme sa në testet laboratorike u zbulua se e zvogëlon dhimbjen në gjysmë”, thotë Dr. Jarred Younger, Ph.D., neuroshkencëtar dhe profesor i asociuar në Universitetin e Alabamës. Kur ‘hormonet e dashurisë’ janë të pranishme në tru, mesazhet dërgohen në palcën kurrizore për të bllokuar mesazhet e dhimbjes para se të arrijnë në tru.
Truri fokusohet te një person dhe refuzon të tjerët
Tek një njeri që është vërtet i dashuruar ekziston substanca e oksitocinës fort në trurin e tij, gjë që e bën atë të fokusohet ekskluzivisht vetëm tek një person. Në fakt, sa më shumë të shohin personin me të cilin janë të dashuruar, aq më shumë dëshirë ndjejnë, falë “hormoneve të lumturisë” që sekretohen në trurin e tyre.
Fillon të “fiksohet” me partneren e tij
Pasi një mashkull kalon fazën fillestare të dashurisë, gjatë së cilës ka rritje të testosteronit, fillon procesi i vërtetë i rënies në dashuri. Kur takojnë dikë me të cilin shohin një të ardhme, kimikatet e reja të trurit i fiksojnë në “qëllimin” e tyre.
“Nëse është një ndeshje e mirë, fillon dashuria romantike ose pasion, e cila nxitet nga norepinefrina, dopamina dhe serotonina”, thotë D’Arienzo. “Këto kimikate krijojnë eksitim, kënaqësi, energji të shtuar dhe obsesione drejt këtij qëllimi të veçantë, duke krijuar skenën që çifti të qëndrojë së bashku”. Në këtë fazë, takimet bëhen gjithnjë e më të shpeshta, ndërkohë që nuk mungojnë rrëfimet dhe shprehja e ndjenjave.
Ai humbet ndjenjën e kohës
A keni ndenjur ndonjëherë në telefon gjatë gjithë natës i emocionuar apo keni shkuar në një takim që ka përfunduar deri në orët e vona të natës, sepse gjërat po shkonin shumë mirë? Sipas psikologjisë, kjo ndodh shpesh kur meshkujt fillojnë të bien në dashuri. “Neurotransmetuesi norepinefrinë rritet, gjë që mund t’i bëjë ata të humbasin ndjenjën e kohës”, thonë ekspertët.
Ai ndihet më i prirur për të lënë zakonet e këqija
Hulumtimet kanë treguar se një burrë i dashuruar mund ta lërë duhanin shumë më lehtë. Kjo sepse një marrëdhënie e re, së bashku me të gjitha ato hormone të reja që lëshohen në tru, ndryshon kiminë e trupit.
