Presidenti Ilir Meta ka reaguar pas konventës ku LSI ndryshoi emrin në Partia e Lirisë.
Përmes një postimi në rrjete sociale, Meta shkuan se dje u përmbush hapi i parë në rivendosjen e sovranitetit të popullit shqiptar përmes referendumit.
“Me mirënjohje për të gjithë delegatët për vendimin historik të themelimit të Partisë së Lirisë. Dje hodhëm hapin e parë në përmbushjen e misionit tonë për rivendosjen e Sovranitetit të plotë të popullit shqiptar nëpërmjet Referendumit. Tani është Koha për Veprim! Asnjë sekondë për të humbur!”, shkruan ai.
