Shtyhet seanca paraprake për ish-kryeministrin Sali Berisha në datë 20 Janar ora 12:00. E ndërsa paradite u paraqit për masën e sigurisë pasdite doli vendimi për Berishën që seanca është shtyrë për vendimin nëse dosja e kompleksit “Partizani” do të pushohet, kthehet apo dërgohet në gjyq në themel. Avokati i Sali Berishës, Genc Gjokutaj tha se u vendosi provat përpara togave të zeza përse çështja duhet të pushohet.
“Ju e dini të gjithë atë që ka të bëjë me këtë dosje, të gjitha kontestimet dhe shkeljet që kanë bërë duke zbuluar profilin politik të kësaj çështje. Kontestimet tona janë voluminoze prandaj zgjati edhe kaq kohë për të shpjeguar në detaje se përse kjo nuk mund ti shkojë gjykatës për gjykim” tha ai.
