Këngëtari i njohur Irkenc Hyka, është padyshim një prej artistëve më të mirë në tregun tonë muzikor, qoftë për këngët solo e sidomos baladat, qoftë për bashkëpunimet plot ritëm apo edhe këngët që prodhon për të tjerët, me artistin që është duke kaluar një nga momentet më të mira në karrierën e tij.
E duket se Irkenci është duke kaluar gjithashtu edhe një nga momentet më të bukura në jetën personale, teksa këngëtari ka zbuluar se ai dhe partnerja do të bëhen së shpejti prindër për herë të parë.
https://www.instagram.com/p/CjakH6iI6Sy/
Lajmin e ka konfirmuar vetë artisti, nëpërmjet një postimi në ‘Instagram’ i cili shkruan se: “Në këtë ditëlindje nuk mund t’i lutesha Zotit për më shumë se ju të dy”. Në foto duket artisti bashkë me partneren, që shfaq barkun e rrumbullakosur, megjithatë Irkenci nuk ka konfirmuar gjininë e fëmijës apo ndonjë detaj tjetër.
