Oktapodët janë aq inteligjentë saqë nga studiuesit konsiderohen si kafshët më të zgjuara në det: dinë të përdorin kujtesën si njerëzit, kanë sens humori dhe janë kureshtarë.
Tani studiuesit kanë bërë një zbulim të ri: oktapodët femra mbrohen nga ngacmimet e vazhdueshme të meshkujve duke i gjuajtur qëllimisht me objekte, si guacka dhe baltë. Taktika e tyre është fituese, pasi meshkujt largohen të zhgënjyer.
Në praktikë, është parë se oktapodi femër kur shqetësohet nga miqësia e tepruar dhe e padëshiruar, mbledh me tetë tentakulat e saj baltë apo guacka dhe merr shënjestër për të gjuajtur mashkullin që e ka ngacmuar. Femrat hedhin sende te meshkujt që përpiqen të çiftohen. Është vërejtur se mashkulli nuk kundërpërgjigjet asnjëherë.
Por kjo nuk është e gjitha, në disa raste këto sjellje të femrave vërehen edhe kur duhet të mbrojnë strofkën ose territorin e tyre nga oktapodët e tjerë. Një femër e ashpër pra, e cila di të mbrohet dhe të mbrojë territorin e saj, pothuajse duke paralajmëruar të pakujdesshmit:
Rri larg dhe mos u afro pa lejen time, sepse mund të ‘hash dru.’
/Priza.al/
