Moderatorja Luana Vjollca është rikthyer me projektin e saj “Thuaje” ku me anë të cilit ka treguar disa detaje nga jeta personale.
Ajo ka postuar një video në Instagram ku shfaqet në makinë dhe përshëndet njerëzit në rrugë duke i bërë komplimenta dhe duke i thënë shprehje motivuese.
“Në vënd të një fjalë të keqe, THUAJE një fjalë të mirë!”, është mbishkrimi që Luana i ka vendosur videos.
Në të ajo dëgjohet duke i thënë kalimtarëve: ‘I paske sytë yll’, ‘puna e mbarë, zoti ju bekoftë’, ‘shumë e bukur’ dhe ‘kalofsh një ditë sa më të bukur sot’.
Disa ditë më parë në episodin e rradhës të projektit ‘Thuaje’ moderatorja tregoi se kishin tentuar ta përdhunonin dhe e kishin përndjekur duke i shkaktuar trauma dhe duke e detyruar që të merrte ndihmë profesionale.
“Ishte përtej asaj që një fans do të bënte. Unë falenderoj zotin çdo ditë që atë mbrëmje nuk kam pësuar asgjë. Por ishte mjaftueshëm që mua të më krijohet kjo traumë që sot kam nga njerëz që më përndjekin. Fatmirësisht nuk ndodhi asgjë por është tentuar“-u shpreh ajo.
