Komisioneri europian për zgjerimin, Oliver Varhelyi, tha se brenda pak ditësh mund të nisin negociatat e anëtarësimit të BE me Shqipërinë dhe Maqedoninë e Veriut. Ai saktësoi se Bullgaria tashmë e ka hequr bllokadën e saj ndaj Shkupit dhe se zgjidhja është në tavolinë dhe gati për t’u zbatuar.
“Përpjekje të shumta janë bërë në tejkalimin e mosmarrëveshjeve mes Bullgarisë dhe Maqedonisë së Veriut. Jemi pothuajse aty. Tani është momenti që të gjithë aktorët të bëjnë hapin e fundit. Kam shpresa të larta se konferencat ndërqeveritare me Shqipërinë dhe Maqedoninë e Veriut mund të mbahen brenda pak ditësh. Të dy vendet kanë zbatuar gjithçka që u është kërkuar dhe janë gati. Gati duhet të jemi edhe ne. Tani kemi një zgjidhje në tavolinë, të miratuar nga parlamenti bullgar kështu që të gjitha pengesat janë tejkaluar. Europa duhet të ecë përpara.”,tha ai gjatë një fjalimi për zgjerimin para Parlamentit Evropian.
Habia më e madhe është se Komisioneri Evropian për Zgjerimin, Oliver Varhelyi i bëri thirrje Bashkimit Evropian (BE) të njohë “pozitën e vështirë të Serbisë, e cila po përballet me sfida të mëdha” në rrethanat aktuale gjeopolitike që vijnë nga agresioni rus ndaj Ukrainës.
Duke i bërë thirrje BE-së të ndihmojë vendin, Varhelyi i bëri thirrje gjithashtu Beogradit zyrtar që të tregojë një përkushtim të qartë ndaj Bashkimit.
“Çështja e sanksioneve është vetëm një simptomë e problemit. Kjo është arsyeja pse ne duhet të jemi plotësisht të përgatitur për të mbështetur Serbinë në harmonizimin e mëtejshëm me politikat e BE-së në lidhje me luftën ruse në Ukrainë. Kjo duhet të na çojë në një angazhim të qartë të BE-së nga ana e Serbia, si dhe rezultatet në dialog.” me Prishtinën”, tha Varhelyi.
AI ka folur edhe për një udhërrëfyes të ri për liberalizimin e vizave ku do adresohen shqetësimet specifike.
