Sapo vjen stina e nxehtë, pra vera, bashkë me vapën e padurueshme, djersitjen dhe sikletin e gjumit vijnë edhe disa zhurma të çuditshme sidomos natën, një lloj vërshëllime e hollë që sa herë e ndjeni ju prishet gjumi.
Ajo është vërshëllima e mushkonjave, që për shumë njerëz është një siklet më tepër në verën e nxehtë.
Ka përgatitje të panumërta kimike të destinuara për mushkonjat, por nëse doni të hiqni qafe mushkonjat në një mënyrë natyrale, këtu janë disa sugjerime.
Një nga mënyrat më të lehta është përdorimi i rrjetave të dritareve.
Sidoqoftë, shumë rrjeta shmangen për arsye estetike, kështu që kemi disa sugjerime për të larguar mushkonjat në një formë më praktike.
Llumi i kafesë
Largoni mushkonjat me ndihmën e llumit të kafesë, të cilën do të shtrydhni paraprakisht.
Vendosni precipitatin në letër alumini në një vend të thatë për t’u tharë.
Pastaj nxirrni përbërjen e thatë jashtë, dhe digjeni. Mushkonjat ikin nga aroma e sedimentit dhe nuk afrohen.
Largoni mushkonjat me hudhër
Ky mashtrim i thjeshtë do t’ju ndihmojë të hiqni qafe mushkonjat e bezdisshme.
Ju duhen pesë koka hudhër për ti bluar dhe futur në një litër ujë duke i zierë.
Më pas zhytini pëlhurat e pambukut në ujë me hudhër dhe lërini leckat në zonën ku po qëndroni.
Ju gjithashtu mund të përdorni ujin në të cilin ishte gatuar hudhra, duke e derdhur atë në një shishe pompë dhe duke e spërkatur atë nëpër dhomën ku dëshironi të hiqni qafe mushkonjat.
Livando
Nëse keni mundësi, mbillni livando pranë dritares. Duket bukur dhe do të ndihmojë në largimin e mushkonjave.
Mushkonjave nuk u pëlqen aroma e kësaj bime dhe në këtë mënyrë ju do t’u tregoni atyre se, shtëpia juaj është një vend i tolerancës zero për mushkonjat.
/Priza.al/
