Pjesa veriore e Britanisë së Madhe dhe Skocia janë përfshirë nga një stuhi e fuqishme duke i marrë jetën 3 personave.
Një 35-vjeçar raportohet se ka vdekur pasi kamioni i tij është goditur nga një pemë në zonën e Aberdeenshire. Po ashtu në të njëjtën mënyrë kanë humbur jetën edhe dy personat e tjerë, njëri prej të cilëve raportohet se ishte mësues.
Linjat hekurudhore dhe akset kryesore rrugore janë bllokuar, ndërkohë që mijëra banorë kanë mbetur pa energji elektrike.
Pasagjerët e një prej linjave hekurudhore kanë mbetur të bllokuar për më shumë se 17 orë, ndërkohë që kompanitë e mëdha të trenave kanë bërë thirrje të mos udhëtohet në veri Jorkut, për shkak të dëmtimeve që ka pësuar rrjeti hekurudhor.
Dhjetëra njerëz dhe automjete kanë mbetur të bllokuara për shkak të reshjeve të borës, ndërkohë që në Skoci më shumë se 100,000 banorëve iu është ndërprerë energjia elektrike.
Zyra meteorologjike e Britanisë bën thirrje për kujdes dhe shmangie të lëvizjes pasi situata ende paraqitet e rrezikshme.
/Priza.al/
