Protesta e opozitës jashtë ambienteve të Kuvendit ka nisur. Qytetarët kanë bërë thirrje kundër qeverisë, duke kërkuar largimin e kryeministrit Edi Rama.
“Kurrsesi nuk mund ta shkelësh këtë popull me këmbë. Krimineli i Surrelit sot ka dalë nga strofulla e miut. I themi atij se nuk mund të pranojmë një qeverisje të tillë”, u shpreh një qytetar për televizionin News24.
Ndërkohë deputetët e përjashtuar të opozitës kanë tentuar të hyjnë Kuvend për të marrë pjesë në seancën plenare edhe pas vendimit për përjashtimin e tyre, por nuk janë lejuar nga punonjësit e Gardës.
