Sipas Dr. Karler Weiss, një ekspert për gjumin dhe ritmet cirkadiane, një gotë verë para gjumit thjesht nuk shkon dorë për dore me një pushim të mirë gjatë natës.
Alkooli dhe gjumi
Fatkeqësisht, edhe sasitë e vogla të alkoolit, si për shembull një gotë verë para gjumit, mund të prishin gjumin.
“Në mënyrë ideale, njerëzit duhet të kufizojnë konsumimin e alkoolit në katër orë para se të shkojnë në shtrat” shpjegon doktor Weiss.
“Alkooli ndikon në sistemin nervor qendror dhe ka një efekt qetësues, duke çuar në keqkuptimin se ju ndihmon të bini në gjumë. Është e vërtetë që alkooli shtyp dhe shkurton një pjesë thelbësore të ciklit të gjumit të quajtur REM (lëvizja e shpejtë e syve). Dhe duke qenë se faza REM ka shumë përfitime për shëndetin kognitiv, humbja e kësaj periudhe vendimtare të gjumit mund të jetë e dëmshme. Alkooli gjithashtu bën që të zgjoheni më shpesh gjatë natës dhe ul cilësinë e gjumit”, shton Dr.Weiss.
Përmbajtja e alkoolit është e rëndësishme
Kur flet për efektin e alkoolit në gjumin tuaj, Dr. Weiss thekson se është e rëndësishme të përqendrohemi në përmbajtjen e alkoolit të një pije dhe sa kohë duhet që ajo të tretet në sistemin tonë.
“Para së gjithash, një pije standarde zakonisht ka 14 gram alkool të pastër. Tani le të përqendrohemi në përqendrimin e alkoolit për pije: birra ka pesë përqind alkool, një gotë verë ka afërsisht 12 përqind alkool dhe pijet e distiluara mund të kenë deri në 40 përqind alkool në një ose më shumë pije.
Trupi ynë mund të metabolizojë 20 miligramë në orë, që do të thotë se alkooli do të eliminohet përmes urinës ose folikulave të flokëve, në varësi të sasisë së konsumuar, megjithatë mund të qëndrojë në gjak deri në 12 orë”, thotë doktori. “Edhe nëse pini shumë verë në drekë pa pirë asgjë për pjesën tjetër të ditës, prapë mund të përjetoni efekte negative në gjumin dhe cilësinë e gjumit”.
Verë para gjumit
Të zgjoheni me dhimbje koke ose të ndjeheni të etur, të lodhur dhe të përgjumur, shenja se keni pirë alkool para se të shkoni në shtrat ose shumë gjatë ditës, gjë që çoi në shqetësime të gjumit.
“Vera dhe pijet e tjera alkoolike nuk duhet të përzihen me gjumin”, konfirmon doktor Weiss.
Vera të mashtron dhe të jep përshtypjen e gabuar se bie në gjumë më shpejt, por dëmton fazën e gjumit REM dhe cilësinë e përgjithshme të gjumit. Për rezultate më të mira të gjumit, kufizoni marrjen e alkoolit në disa ditë në javë, të paktën katër orë para gjumit dhe pini pak për të shmangur pasojat shëndetësore.
