Një tërmet i fuqishëm ka goditur veriun e Filipineve. Epiqendra ishte në qytetin Lagangilang në provincën e Abra në ishullin Luzon. Pati të paktën dy viktima.
Instituti Filipine i Vullkanologjisë dhe Sizmologjisë e vlerësoi magnitudën e tërmetit të mëngjesit të së mërkurës në magnitudë 7.0 ballë. Sipas USGS, lëkundjet arritën një magnitudë 7.1 ballë. Sipas USGS, epiqendra e tërmetit është matur në një thellësi prej dhjetë kilometrash. Rajoni i prekur është rreth 330 kilometra në veri të kryeqytetit Manila. Fillimisht nuk kishte asnjë paralajmërim për cunami.
Në qytetet Abra dhe La Trinidad, pati dy viktima si pasojë e rrërzimit të mureve dhe të paktën 30 perosna u plagosën.
Shumë ndërtesa u dëmtuan dhe ka patur edhe rrëshqitje dheu.
Mbrojtja civile njoftoi se sinjalet e energjisë dhe radios kishin dështuar në disa zona të prekura. “Ne ndiejmë pasgoditje çdo 15 minuta,” tha zëvendës guvernatori i provincës, Joy Bernos, në televizion. “Shumë njerëz ende po qëndrojnë jashtë shtëpive të tyre, por deri më tani nuk kemi pasur raporte për ndonjë viktima”.
Kongresmeni lokal Ching Bernos ndau foto në internet që tregonin shtëpi të shembura ose të anuara, si dhe ndërtesa me çarje të mëdha dhe xhama të thyer. Fillimisht ishte e paqartë nëse kishte të vdekur apo të plagosur nën rrënoja.
Lëkundjet u ndjenë deri në Manila, ku njerëzit u evakuuan nga shtëpitë dhe zyrat. Disa kulla të larta u evakuuan. Operacionet e ngritura dhe të metrosë në Manilën e Madhe u pezulluan gjithashtu gjatë orës së pikut si masë paraprake. Sipas raportimeve të mediave, ndërtesa e Senatit u evakuua.
Në korrik 1990, një tërmet me magnitudë 7.8 vrau më shumë se 2400 njerëz në ishullin Luzon.
