Një burrë 87-vjeçar, i cili nuk është larë për 67 vjet dhe mbijeton duke ngrënë mbeturina në rrugë, ka habitur shkencëtarët të cilët konfirmojnë se ai është në gjendje të mirë shëndetësore.
Amou Jaji, nga Irani, pretendon se nuk është larë për dekada pasi besonte se do t’i shkaktonte fat të keq dhe përfundimisht do ta vriste. Dieta e të moshuarit përbëhet kryesisht nga ajo që vret në rrugë, duke përfshirë krijesa të tilla si derrat, dhe ai pi ujë direkt nga pellgjet.
Daily Star thotë se zgjedhjet e tij të pazakonta të stilit të jetës e kanë bërë të vështirë krijimin e miqve apo gjetjen e një të dashure. Dhe një nga ‘kënaqësitë’ e tij të preferuara është “pirja e llullës së mbushur me pleh kafshësh” që e ka lënë atë më të izoluar. Por ai u ka bërë përshtypje studiuesve të cilët thonë se ai është krejtësisht i shëndetshëm.
Fshatarët në Iran u ka lënë shumë përshtypje përkushtimi i tij ndaj stilit të tij të pazakontë të jetesës, saqë ata i ndërtuan atij një kasolle të vogël si një alternativë ndaj vrimës së tij të zakonshme në tokë.
Mjekët që vizituan kasollen në fshatin Dejgah, Iran, kryen disa teste dhe thanë se pavarësisht stilit të jetës së tij, Jaji është çuditërisht i shëndetshëm dhe nuk ka sëmundje apo baktere të rënda.
Ekspertët shkuan për të gjetur parazitë të ndryshëm që mund të jetonin në trupin e të moshuarit, por u kthyen duarbosh. Profesor Dr Gholamreza Molavi kreu testet dhe dyshon se Jaji ka mbetur i shëndetshëm për shkak të zhvillimit të një sistemi imunitar jashtëzakonisht të fortë: “Besojmë se ai është i shëndetshëm pasi duke jetuar kështu, ka forcuar jashtëzakonisht imunitetin. Ka ngrënë mbeturina dhe pi ujë nga pellgjet në rrugë, por nuk ka asnjë sëmundje të rëndë apo virus”.
87-vjeçari është mbajtur gjithashtu i përditësuar me ngjarjet aktuale dhe ka diskutuar ngjarje si Revolucioni Rus dhe Revolucioni Francez me ata që e vizituan.
Fama e sapogjetur për pensionistin e pastrehë ia ka bërë jetën më të vështirë, thotë ai, pasi edhe pse fqinjët e respektojnë, njerëzit shfaqen herë pas here për ta tallur dhe hedhur gurë.
Mjekët e testuan atë për çdo gjë, nga forma të ndryshme të hepatitit dhe SIDA-s deri te parazitët, dhe gjithçka që gjetën ishte një infeksion pa simptoma të trikinozës.
/Burimi: Mirror/ Përshtati: Priza.al/
