Është mbajtur historikisht si një fuqi detesh, me një flotë ushtarake që pushtoi koloni në të gjithë botën, por sot Britania e Madhe duket se nuk e ka më shkëlqimin e dikurshëm.
Sipas mediave më prestigjioze britanike, gjysma e anijeve të mëdha luftarake të Mbretërisë së Bashkuar janë jashtë shërbimit për riparime.
Aktualisht, nga 18 fregata dhe destrojer në flotën e Marinës Mbretërore, vetëm nëntë janë në gjendje pune, ndërsa pjesa tjetër janë në porte thonë mediat vendase. Ish-shefi i marinës, admirali Lordi West i Spithead, e quajti këtë “një turp kombëtar”.
“Anijet e reja nuk po ndërtohen me shpejtësi të mjaftueshme, dhe nuk ka pasur para sa duhet nga riparimet”,- tha ai, duke shtuar se vetëm njëri prej destrojerëve 1 miliardë paundësh, “HMS Defender”, është aktualisht në det.
Ky destrojer po shoqëron “Carrier Strike Group” në udhëtimin e tij të parë botëror. Luftanijes simotër, “HMS Diamond” iu desh ta braktiste grupin prej 10 anijesh pas problemeve që pati gjatë lundrimit në Mesdhe, e tani është tërhequr në një port të Italisë.
Luftanijet e tjera të tipit 45, “HMS Daring”, “HMS Duncan” dhe “HMS Dragon”, po i nënshtrohen mirëmbajtjes në Mbretërinë e Bashkuar. Nga 12 fregata të tipit 23 vetëm tetë janë klasifikuar “të disponueshme në mënyrë operative”.
/Priza.al/
