Reperi i njohur Noizy pas çdo publikimi në rrjetet sociale vihet në qendër të mediave rozë pasi lajmëron edhe lëvizjet e fundit në muzikë. E nuk kishte si të mos mungonte edhe albumi më i ri duke sjellë në treg jo pak por plot 22 këngë.
Albumi do të publikohet më 7 prill duke përfshirë rryma të ndryshme muzikore e bashkëpunime me këngëtarë të famsësh si Elvana Gjata e cila së fundmi është bërë pjesë edhe e grupit OTR.
Por ALPHA-n s’është më thjesht një album, por një brand që u lançua me koncertin e madh në sheshin “Nënë Tereza”, traditë kjo që do të vijojë edhe këtë verë, në gusht, në stadiumin “Air Albania”.
Por deri atëherë duket se Noizy do ta trondisë përsëri tregun me këngët dhe albumin e tij të ri. Tekstet e të 22 këngëve Noizy i ka shkruar vetë ndërsa për muzikën ka bashkëpunuar me producentin e tij Engli Versal, por dhe me të tjerë producentë të huaj e shqiptarë.
Siç dhe ka nisur t’i bëjë paksa publike, përmes postimeve të tij në Instagram, video që bëhen padiskutim virale, bashkëpunimet me këngëtarët do të jenë të shumta siç është ajo me Ylli Limanin, Mc Kreshën, Varrosin, Stinen, Camorrën etj… E vetmja vajzë mes tyre është Elvana Gjata.
