Tensionet gjatë seancës së sotme plenare kanë përfshirë edhe përdorimin e bilbilit. Deputeti i Partisë Demokratike Flamur Noka ka qëndruar pranë socialisit Toni Gogu teksa ky i fundit fliste dhe ka krijuar zhurmë me bilbil. Kryetarja e parlamentit i kishte ndërprerë më parë fjalën Nokës.
Flamur Noka: Më jep fjalën moj.
Lindita Nikolla: Të të vijë turp zoti Noka për sjelljen. Të tërheq vëmendjen.
Toni Gogu: Ky zotëria që i bie bilbilit bëri sikur mbajti zi për viktimat e tërmetit. Shpirtrat e shqiptarëve e kuptojnë ç’do të thotë tërmet, vetëm ky nuk e kupton se është burrë i frustruar nga drejtësia. Po i vjen ora e drejtësisë prandaj bën kështu. Fjalën nuk ma ke dhënë ti, shko ulu atje. Këtu ka burra të frustruar nga drejtësia.
Nikolla: Po më detyroni të marr masa zoti Noka
Noka: Vazhdo me masat ti…Tërmeti McGonigal.
Toni Gogu: Ky zotëria kur binte tërmeti ishte duke mallkuar zjarrfikët dhe njerëzit që shpëtonin jetë.
Nikolla: Kërkoj 5 minuta pushim dhe ju lutem thirrni arsyes.
