Një javë pasi SHBA-të e shpallën ‘non grata’, ish-kryministri Sali Berisha është shprehur se ish-ambasadori i SHBA në Tiranë, Donald Lu është marrë personalisht me dosjen e tij për ta shpallur ‘non grata’.
Sipas ish-kryeministrit, historia e tij për t’u shpallur ‘non grata’ nuk është diçka e re dhe e pa dëgjuar pasi kjo është përfolur që në vitin 2019. Berisha kujton edhe një moment kur ka qenë në Kuvend dhe kryeministri aktual Edi Rama e ka pyetur nëse e kalon dot oqeanin, duke e lënë të mendojë se ai kishte informacione në lidhje me këtë çështje.
Nuk ka lënë pa përmendur edhe faktin se futja e tij në “listën e zezë” për konspiracion ndaj politikës së jashtme të SHBA-ve.
“Kjo non grata është një histori e vitit 2019 dhe ma ka përmendur Edi Rama në këtë vit, duke më thënë se a e kaloj dot Atlantikun, d.m.th ai e dinte një gjë të tillë. Mua më thonë se jam futur në listë të zezë, për konspiracion ndaj politikës së jashtme të SHBA-ve. Kam marrë vendime pro-SHBA, por nuk jam “Yes man”, jam vetja ime. Unë kurrë nuk e kam thënë kurrë një fjalë pas shpine për çështjen e ndarjes së Kosovës, sikurse ka bërë Blinken. Atëherë ku është konspiracioni këtu? Thonë se është marrë intensivisht me dosjen time të konspiracionit Donald Lu. Unë kam vepruar me ndërgjegjen time kombëtare, sepse ishte e turpshme të vizatoheshin kufij etnikë dhe të punoje për Serbinë e Madhe se kështu donte Rama dhe Thaçi”, tha ai.
Departamenti Amerikan i Shtetit shpalli “non grata” ish-kryeministrit dhe ish-presidentit, Sali Berishën dhe familjarët e tij, me argumentin se ai është përfshirë në akte korruptive si keqpërdorimi fondeve publike dhe ndërhyrje me proceset publike duke përdorur fuqinë për përfitime personale…
