Kreu i PD, Sali Berisha tha sot se Rama nuk i ka votat për të miratuar amnistinë fiskale, duke shtuar që ai deputet që e voton atë ka votuar krimin.
Berisha tha se për amnistinë fiskale po bën lobim krimi dhe se nuk ka lidhje me emigrantët dhe të ardhurat e tyre. Ai shton se ky është një spekulim dhe bëhët fjalë për kartelat e drogës me të cilat ai është lidhur dhe po i dalin në dritë dita-ditës.
“Ai deputet që voton amnistinë fiskale të Edi Ramës ka votuar krimin, krimin dhe vetëm krimin.
Rama nuk ka votat për amnistinë dhe absolutisht është tërësisht lobim i krimit, nuk ka asnjë lidhje me emigracionin. Emigrantët ato para që i kanë i investojnë në vendin e tyre ku janë apo në Shqipëri, nuk kanë asnjë vështirësi t’i sjellin. Ky është një spekullim këtu është fjala vetëm për kartelet e drogës me të cilat ai ëshë i lidhur dhe po dalin ditë për ditë, ai nuk mund ta kalojë atë amnisti”, tha Berisha.
