Cristiano Ronaldo tregoi mentalitetin e tij elitar në një mesazh me tekst që i dërgoi legjendës Rio Ferdinand pasi shënoi golin e fitores në minutat e fundit kundër Villarrealit.
Manchester Unitedi mori një fitore të vonshme për të siguruar pikët e tyre të para në Ligën e Kampionëve, me Ronaldon që shënoi një gol të fitores në kohën shtesë.
Pesë herë fituesi i Topit të Artë shënoi një gol nga një pozitë e vështirë në zonë për të përfunduar një rikthim dramatik në pjesën e dytë të mërkurën mbrëma.
Nga standardet e tij tepër të larta, 36-vjeçari pati një lojë jo të mirë, por goli i tij dëshmoi aftësinë e tij për të fituar një ndeshje nga një moment i vetëm.
Ronaldo e pranoi paraqitjen e tij zhgënjyese, duke i shkruar Ferdinandit dhe duke pranuar se nuk luajti mirë, por duke thënë se e dinte që do të shënonte.
“Cristiano Ronaldo më dërgoi një mesazh sonte duke thënë se “nuk luajta mirë, por e dija që do të shënoja”, ka zbuluar fillimisht Ferdinand pas ndeshjes.
“Ky është besimi që ai ka. Lojtarët e tjerë po ushqehen me të. Është një vend i mrekullueshëm për të qenë”, përfundoi anglezi.
/Priza.al/
