Avancimi i Inteligjencës Artificiale dhe përdorimi në masë i saj ka sjellë shqetësime në shumë sektorë të jetës. AI ka prekur jo vetëm sektorin e punës por edhe atë të shëndetësisë. Organizata Botërore e Shëndetësisë ka bërë thirrje për përdorimin e saj për kujdesin shëndetësor publik.
Sipas OBSH, të dhënat e përdorura nga AI për të marrë vendime mund të jenë të njëanshme ose të keqpërdorura. OBSH tha se ishte entuziaste për potencialin e AI, por kishte shqetësime se si do të përdoret për të përmirësuar aksesin në informacionin shëndetësor, si një mjet për mbështetjen e vendimeve dhe për të përmirësuar kujdesin diagnostik.
“Ishte imperative të vlerësoheshin rreziqet e përdorimit të mjeteve të modelit të madh të gjuhës (LLM), si ChatGPT, për të mbrojtur dhe promovuar mirëqenien njerëzore dhe mbrojtjen e shëndetit publik”, tha organi shëndetësor i OKB-së.
Paralajmërimi i OSBH-së vjen pasi aplikacionet e inteligjencës artificiale po fitojnë me shpejtësi popullaritet, duke nxjerrë në pah një teknologji që mund të ndryshojë mënyrën se si funksionojnë bizneset dhe shoqëria.
