Në Prime-in e kësaj mbrëmjeje u diskutua përplasja e Olta Goxharit dhe Dea Mishel, e cila nisi në përfundim të spektaklit të kaluar. Dyshja folën për marrëdhënien mes tyre, duke shprehur se “kanë bërë paqe”, megjithatë nuk i lanë pas mendimet e tyre për njëra-tjetrën.
Olta: Kemi folur dhe kemi gjetur një paqe. Kemi kaluar kohë shumë të bukura bashkë. U mërzita për gjërat e tjera që tha pas reagimit tim për ikjen e Amosit. Mendova që kaq mirë sa kemi kaluar bashkë dhe ti paske pasur gjithë këto dyshime, thashë pse e ngre zërin në këtë formë tani që iku Amosi.
Dea: Nuk kam si ta shpjegoj se si jam ndjerë, jam përpjekur të flas me banorët. Nuk jam ndjerë mirë, ndaj kur erdhi shfaqja bëra atë pikturën interaktive.
Amosi ka thënë për herë të parë fjalën e tij rreth debateve të Oltës dhe Dea Mishel. Dy vajzat i hodhën fajin njëra-tjetrës për largimin e Amosit, madje bënë edhe akuza të anasjellta për manipulim.
Por vetë Amosi nuk mendon se është manipuluar as nga Olta dhe as nga Dea. Në Prime-in e sotëm, ai u shpreh se e vlerëson reagimin e Oltës kur ai u eliminua.
Sa i përket Deas, Amosi mohoi të jetë ndjerë i manipuluar nga ajo, teksa për dasmën e Luizit dhe Kiarës tha se ishte zgjedhja e atij të rrinte me Dean.
“Olta aty brenda ka patur një mik, kjo është arsyeja pse u përlot. Për Dean, nuk e kam parë në këndvështrimin që më ka manipuluar, thjesht vendosa të rrija afër dikujt që kam xhan”-tha Amosi
