Pas një hetimi të zhvilluar nga SPAK, Gjykata e Posaçme vendosur para dy ditësh masën “arrest shtëpie” për ish-zëvendës ministren e Brendshme, Rovena Voda, e cila ka pranuar dhe ka marrë përfitime monetare dhe përfitime materiale të padrejta nga shtetaset Majlinda Hasani dhe Florida Beu. Voda ra në ‘rrjetën’ e SPAK nga përgjimet që ky i fundit kishte nisur për prokurorin e Kukësit, Edmond Karriqi, i cili u arrestua në Kavajë pak ditë më parë nën akuzën e korrupsionit.
Ditën e sotme pritet që Gjykata e Posaçme të jap masat e sigurisë për ish zv. ministren e Bredshme, avokaten Florida Beu e cila pagoi 2 mijë euro për t’u punësuar në Ministrinë e Brendshme dhe avokates tjetër Majlinda Hasani.
Por mësohet se gjatë seancës ku pritet për tu njohur zyrtarisht me masën e sigurisë, Florida Beu është ndjerë keq dhe ka përfunduar në spital, ku një ambulancë e ka çuar atë të marrë kujdesin e nevojshëm shëndetësor. Në gjykatë të pranishme në seancë vijojnë të jenë Rovena Voda dhe Majlinda Hasani.
Kush është Florida Beu?
Florida Beu, është një avokate dhe biznesmene në Durrës, e cila prej vitit 4 korrik 2019 menaxhon së bashku me vëllain e saj, Emirjan Beun, një kompani peshkimi të quajtur “Adriatic Sea Transport”.
Florida Beu, ka hyrë në këtë kompani pas largimit nga 50 për qind të aksioneve të nënës së saj, Nerënxes. Ndaj dhe arka me peshk të egër dhe të freskët deti, është dhënë tek zv/ministria e Brendshme Rovena Voda, pikërisht në ambientet e brendshme të portit të Durrësit. Ndërkohë në 9 qershor 2021, Florida Beu, është bërë pronare me 50 përqind të aksioneve tek kompania “AuraFish” në Durrës.
Beu, bleu aksionet tek biznesmeni nga Elbasani, Emiljan Leka, prej vetëm 250 mijë lekë të vjetra. Në këto kushte Florida Beu, u bë aksionere e kësaj kompanie që aktualisht e zotëron së bashku me vëllain e saj.
Gjithashtu vajza 30-vjeçare rezulton të jetë pronare dhe e një karburanti në qytetin e Durrësit. Ky karburant quhet “Beu-Oil” dhe ka depozitat e naftës, brenda autoritet portual të Durrësit. Florida Beu është në këtë kompani në cilësinë e administratores dhe pronares me 50 për qind të aksioneve. Ndërsa pjesën tjetër të aksioneve e menaxhon, i afërmi i saj, Klaudio Beu. Kompania në fjalë është hapur në 7 gusht 2020 në qytetin e Durrësit. Ndërkohë qysh prej 24 prillit 2018, Florida Beu, punon dhe si avokate në qytetin e Durrësit, pasi ushtron aktivitet tregtar në një zyra, përballë prokurorisë dhe gjykatës së Durrësit.
Nga verifikimet e kryera ka rezultuar se Florida Beu, është pronare dhe të një karburanti tjetër në Rrashbull të Durrësit. Ky karburant është i regjistruar me emrin “Harizi Petrol” dhe zotërohet plotësisht me 100 për qind të aksioneve nga vajza 30-vjeçare Florida Beu.
Pavarësisht kësaj pasuri të madhe, Florida Beu, me sa duket e ka pasur ëndërr të fillonte punë në dikasterin e Ministrisë së Punëve të Brendshme. Ku megjithëse konkurroi në 11 vende, sërish nuk mundi që të fitojë asnjë vend pune në ministri. Por pavarësisht kësaj, prokuroria e posaçme SPAK, pretendon se Florida Beu, ka paguar tek zv/ministria Rovena Voda, 1 mijë euro, një aparat telefoni dhe një arkë me peshk deti.
/Priza.al/
