iPhone 14, i prezantuar vetëm pak ditë më parë nga kompania “Apple” dhe zyrtarisht në shitje prej së premtes, nuk zhgënjeu me vëmendjen që mori dhe sigurisht numrat e shitjeve të para, teksa një numër i madh njerëzish zunë vend në radhët kilometrike në dyqane për ta blerë.
Megjithatë që tani disa prej blerësve janë duke raportuar një problem të çuditshëm me paisjen elektronike, lentja kryesore e kamerës së pasme dridhet fizikisht dhe tronditet në momentet kur po bëjnë foto ose video në disa aplikacione duke përfshirë këtu ‘Snapchat’, ‘TikTok’ dhe ‘Instagram’. Videot e mëposhtme, të postuara në rrjetin social ‘Twitter’ nga përdoruesit tregojnë problemin:
Well I found my first iPhone 14 Pro Max bug… 😂😂 pic.twitter.com/WhuOrcqdph
— Naaackers (@Naaackers) September 17, 2022
So uh, we’re having some issues with the 14 Pro Max camera pic.twitter.com/7HH1wLFjdF
— Luke Miani (@LukeMiani) September 16, 2022
Apple nuk ka komentuar ende mbi këtë problem, megjithatë me shumë gjasë bëhet fjalë për një gabim në software, që ndikon në stabilizimin optik të imazhit të pajisjes. Nëse ky është vërtetë problemi, Apple duhet të bëjë patjetër një rregullim në përditësimin e tij të fundit iOS 16.1.
