Banori i ‘Big Brother VIP Albania’ Armaldo Kllogjeri ose Maestro siç jemi mësuar ta quajmë, ka shkëputur çdo marrëdhënie me Luizin dhe është pozicionuar krah Oltës. Ai madje e shikon atë si fituese të këtij edicioni. Sot ai i bëri të ditur Oltës, se do ishte shumë i lumtur nëse Big-n e fiton një femër e sidomos ajo.
“Për mua, vazhdo rrugën tënde, si të duash ti. Sipas cdo interesi tend personal ma beso. Unë dëshirë kam ta fitojë një femër Big Brother, e sidomos për mua ta fitosh ti do ishte kryevepër. Mos u ndiko nga kjo e, që të krijosh raporte. Është mision për mua. E kupton?”- tha Maestro.
Nga ana tjetër, Olta nuk i ktheu asnjë përgjigje, vetëm i pohoi me kokë. Mbase kjo deklaratë e ka inkurajuar aktoren e cila mëngjesin e sotëm deklaroi se do largohej nga ‘Big Brother Vip Albania’.
